Finnmárkku politiijat dieđihit ahte sii leat iđđes dárkkistan skuterjohtolaga.
Lávvordatiđida leat politiijat bearráigeahččan lobihis skutervuodjima Fállejoga guovllus Álttás. Sii čállet Twitteris ahte olmmoš lea dan oktavuođas váidon leat rihkkon mohtorjohtolatlága. Okta lea fas váidon go vujii beare stuora skuteriin. Leat maid čállán sáhku váilevaš jealbmageavaheamis.
Finnmárkku politiijat dieđihit vel máŋga dáhpáhusa mannan ija. Vuos gávnnahalai vuollel 20-jahkásaš bárdni lobihis lásiiguin biillas, go lei darvvihan sevdnjes čađačuovgi filmma lásii. Dan ovddas oaččui 2600 ruvnno sáhku go bissehalai politiijaide, ja son gálggai dan dakkaviđe eret.
Muđui šadde politiijat mannat bissehit feastta ja jaskkodahttit alla musihka Áronjárggas Álttás. Politiijat leat maid ihkku doallan bearráigeahču promilla- ja čuovgageavaheamis Áhkárvuonas, muhto ii oktage gávnnahallan das gal verrošeame.
