Finnmárkku politiijat leat fuomášan prostitušuvnna Álttás.
Mannan vahkku lei Neahttapatrulja mielde akšuvnnas mas almmustahtte prostitušuvnna muhtun hoteallas Álttás. Dan dieđihit Finnmárkku politiijat sin Facebook-siiddus.
Politiijat čállet ahte lea rihkolaš oastit seksuálalaš bálvalusaid, ja nu doarju kriminalitehta nu go olmmošgávppašeami ja fuorrágávpedoaimma.
Lei iFinnmark mii čálii ášši birra álggos.
Finnmárkku Neahttapatrulja bivdá olbmuid cavgilemiid dán áššis.
Neahttapatrulja leat politiijat mat barget interneahtas, geaid mihttu lea oažžut oadjebas ja buori neahttageavaheami.
