Nissonolmmoš gávdnui jápmán fiervváš Olggut Álttávuonas.
Nissonolmmoš gávdnui jápmán fiervváš Olggut Álttávuonas.
Bearjadateahkeda gávdnui muhtun nissonolmmoš jápmán fiervái Fielvuonas Álttás, muhto politiijat eai dieđe vuos jápminsiva.
– Mii oaččuimet dieđu sullii diibmu 19:00, ja vulggiimet dakkaviđe dan báikái. Lea sullii 60-jahkásaš nissonolmmoš, ja mii leat dieđihan oapmahaččaide, muitala Oarje-Finnmárkku operašuvdnajođiheaddji Lars Jørgen Kleven Altapostenii.
Politiijat árvvoštallet sáddet nissonolbmo obdukšuvdnii, muhto vaikko leat eahpesihkkarat mii lea jápminsivva, de goitge eai jáhke makkárge rihkolašvuođaid dáhpáhuvvan.
– Mii iskat ášši nu go dábálaččat, vai gávdnat mii lea dáhpáhuvvan, lohká Kleven Altapostenii.
