Bearjadaga hávdáduvvui dáiddár ja girječálli Ari Behn Oslo Duopmogirkus. Nu čállá NTB.
Ari Behn sorbmii iežas vuosttaš juovlabeaivvi. Son lei náittosdilis Norgga prinssessain Märta Louisiin 14 jagi ja sudnos leat golbma nieidda ovttas, Maud Angelica (16), Leah Isadora (14) og Emma Tallulah (11). Hávdádusa doalai bismá Kari Veiteberg ja lei rabas buohkaide ja sáddejuvvui maiddái NRK:s.
Boarráseamos nieida doalai sártni girkus iežas áhči hávdádusas gos muitalii ahte álo gávdno čoavddus.
– Áhčis lei lossa dilli ja son fertii dovdan ahte sus ii leat eará čoavddus go guođđit dán máilmmi. Muhto mun jáhkán sus lei boastut. Gávdno álo čoavddus, dajai Ari Behn ja prinseassa Märtha Louise nieida Maud Angelica.
Son dajai maid ahte gávdno čoavddos daidda geat rahčet psyhkalaš váttuin, heajos iešdovdduin ja iešsorbmenjurdagiin.
– Gávdnojit olbmot geat sáhttet ja háliidit veahkehit. Buohkat sáhttet oažžut veahki. Buohkat máilmmis ánššasit ráhkisvuođa ja ilu, dajai son.
