Áltá (NTB): Politiijat leat gávdnan filmmaid main leat «mánát ja seksuála rohcošeamit» ovtta doaktára datamašiinnas gii lea dubmejuvvon go lea čájehan iežas vuolledábiid muhtin ovccejahkásaš nieiddažii.
Áltá (NTB): Politiijat leat gávdnan filmmaid main leat «mánát ja seksuála rohcošeamit» ovtta doaktára datamašiinnas gii lea dubmejuvvon go lea čájehan iežas vuolledábiid muhtin ovccejahkásaš nieiddažii.
Stáda dearvvašvuođabearráigeahčču mearridii juovlamánus dievddus váldit eret doavtterlobi dassážii go loahppamearrádus válbmana áššis. Dearvvašvuođabearráigeahču raporttas čuožžu ahte dievdu galgá leat geahččan rohcošanmateriálaid, iFinnmark dieđuid vuođul.
Dearvvašvuođabearráigeahču raportii lea čállon ahte politiijaid sierra raporttas (čakčamánu 23. beaivvi 2015) galgá dievdu geahččan neahttasiidduid ja filmmaid maid politiijat oaivvildit guoskat mánáidrohcošeapmái.
– Mun lean leamaš váruheapmi go lean ohcan porno neahtas. Lea šállošahtti iige lean goasse galgat dáhpáhuvvat. Mun in galgan ohcat mánáidporno, mánáid dahje seksuála rohcošemiid. Leat dađi bahábut ihtán diekkár materiálat go lean neahtas ohcan. In leat goassege rahpan diekkár materiálaid dahje geahččan filmmaid main lea mánáidporno, dadjá doavttir. Son muitala iežas leamaš hui rabas dán birra, sihke politiijaide ja Dearvvašvuođabearráigehččui.
Diimmá skábmamánus dubmehallui dievdu 45 beaivvi giddagassii go lei čájehallan iežas vuolledábiid ovccejahkásaš nieiddažii. Ášši lei mieđihanášši.
Dievdu ii mieđit ahte son lea mieleavttus rahpan rohcošanmateriálaid, čállá iFinnmark.(©NTB)
