Norrbottena leanastivra dieđiha ahte sii leat gávdnan jápmán goaskima Jiellevári gielddas. Goaskin lei beasis guokte moni lállime go lea jápmán. Dál navdet goaskima báhččon – ja Norrbottena politiija iská ášši.
Lei Norrbottena leanastivrra luonddubearráigeahčči gii gávnnai goaskima geassemánus. Go son iskkai beasi, de oinnii ahte lei njiŋŋelas goaskin mas ledje guokte moni.
Muhto goaskin lei jápmán ja das ledje hávit go gávdnui ja danin navdet goaskima lobiheamet báhččon.
Norrbottena politiijat leat dál guorahallame ášši.
– Mii guorahallat ášši roavva bivdorihkkumin, dadjá Norrbottena politiijaid guorahalli Annica Taivalsaari SVT Nyheterii.
