Stáhta Luonddubearráigeahčču (SNO) lea dál goddán guovžža mii ikte dieđihuvvui bážasin mannan.
Stáhta Luonddubearráigeahčču (SNO) lea dál goddán guovžža mii ikte dieđihuvvui bážasin mannan.
Bearjadaga čieža áigge eahkes gávdne Stáhta luonddubearráigeahččit guovžža mii árabut bearjadaga lei mannan bážasin Suovvajoganjálmmis Unjárgga gielddas. Guovža gávdnui lahka dan báikki gos lei mannan bážasin.
Várálaš guovža
Stáhta Luonddubearráigeahčču ovttasbarggai gieldda guovžaohcanservviin.
– Ovttasbargu manai njuovžilit, ja lean ilus go nu jođánit beasaimet goddit guovžža. Guovža mii lea bážasin mannan lea várálaš, lohká Finnmárkku Fylkkamánni birasgáhttenossodaga bargi Geir Østereng Finnmark Dagbladii. SNO bođii helikopteriin Álttás girdit guovllus gos guovža lei báhččon.
Dettii 160 kilo
SNO dieđiha ahte lei varis guovža mii lei sullii 4-5-jahkásaš. Sii leat guovžžas váldán iskosiid vai besset dárkileappot iskat man boaris dat lei.
Unjárgga sávzadoallit leat máŋgga geardde ahte guovža lea rohkkáhan ja maid goddán sávzzaid, muhto Østreng ii dieđe lea go juste báhččon guovža mii lea goddán sávzzaid, muhto son sávvá dan.
