-Almmuhus-
OĐĐASATGávdne «čáhppes bovssa»

Gávdne «čáhppes bovssa»

-

-

Ruoŧa lihkohisvuođakommišuvdna lea gullan maid pilohtat leaba hupman, ja leat árvvoštallan dan mii daddjui.

NRK Sápmi čállá ahte dutkit leat gávdnan poastagirdi mátkečálána dahje «čáhppes bovssa» mii vurke mátkeruvtto.  Dál dutkit leat guldalan ságastallama mii lei poastagirdis, mii gahčai Ruoŧa bealde ráji, Áhkkájávrri lahkosis, go lei jođus Oslos Romsii, moadde vahku áigi ihkku.

Ruoŧa lihkohisvuođakommišuvdna dadjá Dagbladet aviisii ahte sii leat gullan maid pilohtat leaba hupman, ja ahte sii leat árvvoštallan dan mii daddjui, muhto eai áiggo dadjat eanet dan birra.

Guokte olgoriikka pilohta duššaiga go girdi gahčai Davvi-Ruoŧas dalle.

-Almmuhus-