Bearjadaga gávdnojedje olbmo bázahusat Báhčaveajis, Mátta-Várjjagis. Politiijat leat dál dutkame sáhttet go leahkit Kaisa Beddari bázahusat, son jávkkai 2013:s.
Bearjadaga gávdnojedje olbmo bázahusat Báhčaveajis, Mátta-Várjjagis. Politiijat leat dál dutkame sáhttet go leahkit Kaisa Beddari bázahusat, son jávkkai 2013:s.
Lei muhtun bivdi gii bearjadaga dieđihii politiijaide ahte soaitá gávdnan olbmo bázahusaid. Patologalaš iskkadeapmi lea čađahuvvon, ja lea duođaštuvvon ahte leat olbmo bázahusat.
Isket lea go beddari
Olbmo identitehta ii leat čielggas, muhto Hans Møllebakken Girkonjárgga politiijastašuvnnas lohká ahte lea lunddolaš iskat sáhttet go man ge láhkái čatnašuvvat Kaisa Beddarii.
Son jávkkai 2013:s, ja lea áidna gii lea láhppon dán guovllus, ii ge gávdnon. Beddari lagamuččat leat ožžon dieđu gávdnama birra.
– Mii joatkit ohcamiin das lahkosis, ja geahččat gávdnat go eambbo, lohká Møllebakken NTB:i. ©NTB
