Politiijat leat čađahan stuora akšuvnna Finnmárkkus ovdalaš beassážiid, ja leat akšuneren logenáre ásodagas.
Lea iFinnmark mii dieđiha dán odne, bearjadaga. Politiijat leat dál bovden media preassačoahkkimii odne diibmu 12:s gos áigot muitalit eanet dieđuid.
Akšuvdna galgá dáhpáhuvvan njukčamánu 21. beaivvi ja leat gávdnan materiálaid mat gusket mánáid seksuálalaš rohcošemiide, čállá iFinnmark.
Akšuvnnat galget leat čađahuvvon sihke Oarje- ja Nuorta-Finnmárkkus. Leat viežžan dihtormašiinnaid main leat rohcošanmateriálat, ja iFinnmark dieđuid mielde galget politiijat gáibidan sivahallon dievdduid biddjot háldogiddagassii maŋŋel akšuvnna.
Ávvir čuovvu ášši viidáset.
