Politiijat dieđihit ahte leat gávdnan jápmán olbmo viesus mii bulii Deanus.
Gaskavahkku čuovganeapmái bulii viessu gutnan Máskejogas, Deanus.
Balahuvvui ahte olmmoš lei jápmán buollimis, go olmmoš, gii orui viesus, ii dihtton, ja dieđihuvvui jávkan.
Bearjadaga gaskabeaivve áigge duođaštit Finnmárkku politiijat ahte leat gávdnan jápmán olbmo buollinsajis.
– Mii árvvoštallat ahte lea dievdu guhte dieđihuvvui láhppon. Mii čađahit eanet iskkademiid, lohká Finnmárkku politiijaid operašuvdnajođiheaddji Jan-Olav Schjølberg.
