Norgga birasdutkit leat gávdnan fluorávdnasiid čeavrás, jiekŋaguovžžas, gumppes, muohttagis ja áimmus.
Norgga Luonddudutkaninstituhta (NINA) lea almmuhan raportta «Screening av nye PFAS-stoffer i Norge 2018».
Dan raportta leat ráhkadan instituhtat nu go NILU, NINA, NIVA ja Polárainstituhtta Birasdirektoráhttii. Ásahusat leat iskan PFAS- ávdnasiid nannámis, mearas ja árktalaš birrais, ja das almmuhit analysereniskosiid.
PFAS leat perfluorerejuvvon ávdnasat mat geavahuvvojit dollačáskadansovttas ja go gallehit ovdamearkka dihte skuovaid.
