Dat guokte maŋemus uđassignála leat gávdnon Dápmotvuovddis Romssas gaskavahkku čuovganeamis, duođaštit politiijat.
– Mii leat helikopteriin gávdnan sádden- ja vuostáiváldinrusttegiid signálaid, duođašta Romssa politiijaguovllu operašuvdnajođiheaddji Rune Nilsen NTB:i.
Ođđaseamos gávdnosat ledje mannan ija guovllus gos leat ohcame. Dál leat gávdnan dan njealljása uđassignálaid geat ledje dieđihuvvon láhppon mannan vahkku Sis-Romssas go ledje čierasteame Sarregáissá várregilggas.
Bearjadaga gávdnojedje guovtti lahppon olbmo signálat, ja dan rájes leat geahččalan ohcat dan guokte nuppi signálaid maid, muhto lea dálki leamaš nu heittot ja hehtten ohcanakšuvnna.
Gaskavahkku galget fas girdit helikopteriin vai gávnnahit vel eanet dárkilet dieđuid gokko láhppon olmmoš lea.
(©NTB)
