-Almmuhus-
-Almmuhus-
SMÁVVAOĐĐASATGávdnan bákte­njuohtamiid Kluppu­njárggas

Gávdnan bákte­njuohtamiid Kluppu­njárggas

-

-

Geasset lei Sámedikki arkeologas ja ráđđeaddis erenoamáš gávnnus.

Sámedikki arkeologa ja ráđđeaddi André Nilsen gávnnai geasset golbma báikki gos leat báktenjuohtamat Kluppunjárggas Porsáŋggu gielddas.

– Báktenjuohtamiid árvvoštallá leat gaskal 4000 ja 2000 jagi boarrásat. Dat lea hui erenoamáš ja vearditmeahttun gávnnus. Ovttas eará registrerejuvvon kulturmuittuiguin Klubbunjárggas čájeha dat ahte olbmot leat ássan guovllus hui guhká, čállá Sámediggi Facebookas.

Automáhtalaččat ráfáidahttojuvvon

Buot sámi visttit 1917 rájes dahje boarráseappot leat automáhtalaččat ráfáidahttojuvvon.

– Jus dus leat dieđut sámi kulturmuittuid birra iežat lagasguovllus mat eai leat registrerejuvvon, de lea dehálaš ahte Sámediggi oažžu dieđu daid birra. Báktenjuohtamat mat leat registrerejuvvon Kluppunjárggas leat automáhtalaččat ráfáidahttojuvvon, čállá Sámediggi.

-Almmuhus-