Johtolatpolitiijat čađahedje leahttobearráigeahču guovtti báikkis Porsáŋggu gielddas.
Gaskavahkku čađahedje johtolatpolitiijat leahttobearráigeahču Leavnnja olggobealde ja Billávuonas. Guktot sajiin lea leahttomearri 60 kilomehtera diimmus.
– Billávuonas sáhkohalle njeallje biilavuoddji. Alimus leaktu mii mihtiduvvui čájehii 76 kilomehtera diimmus, dieđiha Finnmárkku politiijaguovlu Twitteris.
Nuppi johtolatbearráigeahčus čuhppe šilttaid muhtin biillas.
– Dát biila ii lean dárkkistuvvon bearráigeahčus ja danin duogušteimmet biilašilttaid. Leahttobearráigeahčus ges sáhkohalle njeallje biilavuoddji. Alimus leaktu mii mihtiduvvui lei 77 kilomehtera diimmus. Báikkis lei leaktomearri 60 kilomehtera diimmus, čállet politiijat.
