-Almmuhus-
-Almmuhus-
OĐĐASAT Gávccis logi studeanttas ožžot barggu maŋŋel oahpu

Gávccis logi studeanttas ožžot barggu maŋŋel oahpu

-

-

UiT čađaha dávjá oaiviliskkademiid studeanttaid gaskkas geat leat čađahan oahpu UiT:s. Dán jagáš iskkadeapmi čájeha ahte eanaš kandidáhtat ožžot relevánta barggu, ja leat duhtavaččat oahpuin.

Sin gaskkas geat leat vástidan iskkadeami leat 83 proseantta barggus, ja ožžo barggu jođánit; 81 proseantta dain lei bargu golmma mánu maŋŋel go gerge oahpus.

Buohtastahtton ovddit iskkademiin 2019:s, leat veaháš eambbo kandidáhtat barggus ja eambbosat ožžot barggu jođáneappot. 

Leat olles 88 proseantta geat dadjet ahte oahppu lea relevánta bargui, ja 85 proseantta vástidit ahte leat leamašan duhtavaččat oahpuin.

– Lea somá go UiT fállá relevánta oahpuid bargoeallimii, ja ahte nu olu kandidáhtat leat duhtavaččat oahpuin, dadjá rektor Anne Husebekk.

-Almmuhus-