-Almmuhus-
-Almmuhus-
OĐĐASAT Gávccis logi olbmos ballet johtolat­lihkohis­vuođaid dáhpá­huvvamis 

Gávccis logi olbmos ballet johtolat­lihkohis­vuođaid dáhpá­huvvamis 

-

-

Juohke beaivvi vudjet olbmot 14 000 geardde alkoholajuhkanvuođas. – Sivva manin olbmot leat balus, lohká Av-og-til searvvi alkoholajierbmehoavda Randi Hagen Eriksrud.

Respons Analyse ođđasamos iskkadeapmi čájeha ahte eanetlohku Norgga álbmogis leamaš, dahje lea fuolastuvvan ahte lagaš olmmoš sorro johtolatlihkohisvuhtii. Iskkadeapmi lea dahkkon skábmamánu loahpas 2020. 

– Lohku ii hirpmástuhte, ja ádden manin olbmot leat balus. Earret eará diehtit ahte hirbmat olu olbmot vudjet biillain go lea juhkan alkohola. Čájehuvvo ahte juohke njealját jápminlihkohisvuođas, lei vuoddji oaivvis. Jus dus lea promilla, de válddát álkit riskka smiehtakeahttá. Seammás it reagere nu johtilit ja šattat čuorbbit árvvoštallat dagu váikkuhusaid. Lea hirbmat váralaš, lohká alkoholajierbmehoavda Randi Hagen Eriksrud Av-og-til searvvis.

Son deattuha ahte ii leat dušše iežas gelbbolašvuohta mii mearrida man váralaš lea johtolagas, muhto maid earáid gelbbolašvuohta johtolagas. 

-Almmuhus-