-Almmuhus-
OĐĐASAT Gávccis dušše johto­lagas skábma­mánus

Gávccis dušše johto­lagas skábma­mánus

-

-

Oktiibuot leat 96 olbmo duššan johtolagas dán rádjái dán jagi. 

 Diimmá seamma áigodaga logut čájehit ahte dalle dušše oktiibuot 102 olbmo.

Ii oktage vuollel 16-jahkásaš mánná leat duššan dán jagi.

– Mihttu lea ahte eai galggaše eanet go 350:s duššat dahje roasmmahuvvot johtolagas jagi 2030 rádjái. Ii leat álki olahit dan mihtu. Positiiva lea goit ahte mánát eai leat duššan johtolagas. Jus ná joatká dán jagi lohppii, de lea vuosttas geardde go mánát eai dušše johtolagas olles jagis, mat leat goit positiiva logut, dadjá Trygg Trafikk direktevra Jan Johansen sin preassadieđus.

Geavat šleđggona

Dát geat dušše skábmamánus ledje vihtta albmá ja golbma nissona.

Guđas sis ledje biilavuoddjit ja guovttis vácci jođus.

Dán jagi leat ovcci vázzi olbmo duššan. Skábman ja sevdnjes áigodaga duššet vázzi olbmot eanemus, muhto seammás čájehit logut ahte unnit leat geavvan dan bártái 2019:s. 

Trygg Trafikk bealis ávžžuhit geavahit šleđggoniid dál sevdnjes áiggis. 

- Advertisement -
-Almmuhus-