-Almmuhus-
OĐĐASAT Gásttašeapmi ja konfirmeren njiedjan

Gásttašeapmi ja konfirmeren njiedjan

-

-

Mánáid ja nuoraid lohku, geat gásttašuvvojit ja konfirmerejuvvojit Norgga girkus, njiejai diibmá. Lassin dieđihedje birrasii 41 000 olbmo eret girkus.

Riegádanlohku njiejai ja dan dagai maid gásttašanlohku, dieđiha Vårt Land.

Diibmá gásttašuvvojedje 32 542 olbmo, mii lea 55,3 proseantta mánáin geat riegádedje dan jagi.

Jagi ovdal lei lohku 2,5 proseantačuoggá badjelis, čájehit Statistihkalaš guovddášdoaimmahaga logut.

 

Máŋggabealat kultuvrralaš duogáš

– Sivvan gásttalogu njiedjamii lea go servvodat lea šaddan eanet máŋggabealálaš servvodahkan, ja leat eambbogat geat fárrejit deike geain lea earálágan kultuvrralaš duogáš, muitala Hamar bismagotti stiftadirektevra Freddy Knutsen.

Doppe ledje eambbogat geat gásttašuvvojedje go gaskamearálaččat – 73 proseantta – muhto njiedjan lei maid alit: 4 proseantačuoggá.

Konfirmašuvnnat leat maid njiedjan.

60 proseantta riikka 15-jahkásaččat konfirmerejedje Norgga girkus, lohku jagi ovdal lei 61,5 proseantta.

 

Ipmilbálvaluslohku lassánii

Badjelaš 552 000 oahppi vuođđoskuvllain serve dan 2849 skuvlaipmilbálvalusaide diibmá, mii lea vehá lassáneapmi.

Ollislaččat lassánii maid ipmilbálvaluslohku veahá, ja sii geat serve ipmilbálvalusaide njiejai 1,8 proseanttain, ja 5,67 miljovnna girkomanni ledje ipmilbálvalusain.

Diibmá rahppui vejolašvuohta dieđihit eret Norgga girkus neahta bokte.

41 024 olbmo guđđe girkologu, ja 3 147 olbmo dieđihedje Norgga girkolohkui.

(©NTB)

- Advertisement -
-Almmuhus-