Sámeskuvla galgá leat beassan stádabušehttii.
Sámeskuvla galgá leat beassan stádabušehttii.
– De lea čielggas. Gaske-Nøørjen Saemienskovle lea gáddjojuvvon. Mii leat beassan Stádabušehttii. Ávvubeaivi sámeskuvllas. Liegga giitosat buohkaide didjiide geat lehpet searvan doarjut skuvlla, sámi mánáid boahtteáiggi ja bálvalusa. Duhát giitu didjiide buohkaide, čállá Roy Arne Kvitfjell «Stopp nedleggelse av sameskolen» facebook-siiddus.
Áigo heaittihit
Golggotmánus go ráđđehus almmuhii stádabušeahta de evttohedje heaittihit dán sámeskuvlla, mii lea Aarbortes Nordlánddas, 2016-2017 skuvlajagi rájes. Dainna áigo seastit 3.3 miljovnna ruvnno.
Dalle ákkastedje ahte skuvllas eai leat leamaš fásta oahppit 2011 rájes. Čavčča rájes leat skuvlla bealis garrasit vuosttaldan heaittiheami, ja leat earret eará doallan miellačájáhusa Stuorradikki olggobealde Oslos.
Miessemánu 11. beaivvi almmuhii ráđđehus rievdaduvvon stádabušeahttaárvalusa 2016 várás. Sámeskuvla ii lean dasa ge beassan.
