Vurdet buoret dálkki ovdal go sáhttet girdilit fas helikopterin.
Uđas mii mannan vahkku manai lei sullii 300 mehtera govdat ja 500-600 mehtera guhku, ja fierai bajimus oasis Sarregáissás mii lea 1442 mehtera alla várri Báhccavuona suohkanis. Njeallje olbmo dieđihuvvo láhppon, maid dál politiijat jáhkket duššan.
Ohcanakšuvdna heaittihuvvui bearjadaga, ja válde bottu otnážii ovdal go fas áigo joatkigoahtit ohcanbarggu. Dálkki geažil eai sáhte ohcagoahtit ovdal go gaskavahkku.
Geahččalit fas
Politiijat plánejit ohcagoahtit fas gaskavahkku, jus lea doarvái fiertu. Dainna ohcamiin áigot lokaliseret gos dat duššan olbmot leat. Dat mielddisbuktá ahte áigot dárkileappot ohcat gokko dat guovttis leaba geaid leat juo lokaliseren, ja ohcat maid dan guoktása geat maid leaba duššan.
Vurdet buoret dálkki
Dálkeprognosa čájeha ahte easka gaskavahkku lea dan muttos fiertu ahte sáhttet fas geahččalit girdilit, ja ohcagoahtit helikopteriin.
