-Almmuhus-
-Almmuhus-
-Almmuhus-
OĐĐASATGaskamearálaš luossaáigodat

Gaskamearálaš luossaáigodat

-

-

2018 orru šaddamin gaskamearálaš jahki Finnmárkku luossajogain.

Unnán arvi ja báhkat leat hedjonahttán guolásteami olu jogain, muhto gávdnojit erohusat, čállá Finnmárkuopmodat preassadieđáhusastis.

–  Jus galgat árvvoštallat, de dajašin leat leamaš gaskamearálaš jagi Finnmárkkus. In leat ožžon signálaid ahte lea leamaš unnán luossa jogain, muhto lea leamaš alla temperatuvra ja uhccán čáhci, ja muhtun jogat leat maid leamaš giddejuvvon muhtun áigodagaid, lohká FeFo meahccehálddašeaddji Steinar Normann Christensen.

 

Luossaboardda buvttiha lassáneami

2018 orru šaddamin olahusjahki Suovvejogas. Luossalohku, maid leat fidnen jogas, lea leamaš allelis go gaskamearálaččat maŋemus logi jagi, ja oktan jagiin 2018 lea njealját jahki maŋŋálaga goas lea leamaš sálašolahus.

– Mii sáhttit jáhkkit ahte mii dás oaidnit veahá mekanismma maid ovdal leat oaidnán Ánnejogas: Lea čájehišgoahtán guovlluin bajábealde luossaboardaga, gos lea leamaš stuorra, ávkkástalakeahtes potensiála mii lea váldon atnui, ja dál ávkkuha. Seailun mearas lea rievdatkeahttá, nu ahte lea várra veajetšaddu jogas mii lea lassánan, dadjá Christensen Suovvejoga birra.

 

Ruoššaluossa

FeFo meahccehálddašanossodahkii lea dieđihuvvon unnán ruoššaluossa, nu orru mealgat unnit ruoššaluossa jogain go diibmá.

-Almmuhus-