Olbmot geat leat badjelmeare juhkan dahje suttolaččat leamaš, fitnet min luhtte hupmame dan birra, muitala Sven Erik Lysen. Dáppe sáhttá maid oažžut ovddasmorráša, liegga juhkosa ja váffeliid.
«Gatekirken» dahje gáhttagirku leat Gaskaijarockas dál 7.háve.
Doppe sii muitalit ipmila sáni birra sidjiide geat dan háliidit gullan ja singuin sáhttá maid fitnat hupmame iešguđet áššiid birra mat deddet váimmu.
Olu nuorat fitnet
Sii muitalit ahte sin luhtte fitnet oalle máŋggas, erenoamážiid nuorat. Sii jerret sis risttalašvuođa birra ja sii geat leat hellodatustibat dihtet olu maid sáhttet muitalit.
– Dávjá bohtet máŋggas oktanaga, lea hui somá go fitnet mun luhtte. Gal dáppe leat olu fiinna nuorat, muitalit gáhttagirku bargit.
Mišuvdnadoaibma
Sii muitalit ahte biibbalis čuožžu ahte Jesus lohká ahte mannet olggos ja muitalehpet Ipmila birra earáide.
– Mii oskut Ipmilii ja dá lea min mišuvdnadoaibma. Áigut maid čájehit ahte risttalašvuohta ii leat dušše dievva boares áhkut mat čohkkájit girkus, muitala Sven Erik.
Veahkehan olbmuid
Gáhttagirku bargit muitalit ahte sii háliidit veahkehit olbmuid ja sin luhtte fitnet oallugat geat dárbbašit ovddasmorraša ja muhtumii dovddastit áššiid.
– Dáppe fitnet muhtomin dakkár olbmot geat dovdet sii juhket badjelmeare. Mun láven lohkat ahte dus lea iešmearrideapmi ja don sáhtat válljet dan rievttes luotta jus háliidat. Ikte lei okta gii dáppe finai ja logai ahte son goit áigu unnidit juhkama boahtteáiggis, lohká Lyset.
