Romssa ja Finnmárkku fylkkamánni lea ásahan gaskaboddosaš mohtorjohtolatgildosa Náššá-guovllus, Álttá, Guovdageainnu ja Návuona suohkaniin. Gielddus biddjui johtui guovvamánu 25. beaivvi, muhto ii leat mearriduvvon man guhká bistá.
Mohtorjohtolatgielddus mearkkaša ahte sierravuodjinlobit fámohuvvojit.
Dasa lassin giddejuvvo máđidja 23 Guovdageainnu suohkanis.
Dát máđidja manná Ruođđojávrri davágeažis Gahččanjávrai.
Guovlu lea mielde «Felles fjellrev» nammasaš prošeavttas, ja guovllus leat njálat.
Dan geažil bidjá fylkkamánni mohtorjohtolatgildosa guvlui.
«Felles fjellrev» prošeavtta dihte leat biebmanstašuvnnat biddjon Nášša guvlui.
