Ođđa fitnodat Babcock, mii gaskaija áiggi válddii badjelasas ambulánsagirdima Norggas, ferte dán mánu guokte vuosttaš vahkku čađahit geatnegahtton sihkarvuođahárjehallamiid. Dat dagaha ahte ambulánsagearggusvuohta lea gáržžiduvvon dan botta go bargit čađahit hárjehallamiid, dieđiha NTB.
Dál leat golbma ambulánsagirdi oanehisšiljuid várás doaimmas Davvi-Norggas, ja diibmu 12 rájes galget njeallje ambulánsagirdi leat doaimmas. Mátta-Norggas ii leat oktage ambulánsagirdi doaimmas oanehisšiljuid várás, čállá NTB.
Ođđa ambulánsagirdifitnodat váldán badjelasas
Fitnodat Babcock vuittii ambulánsagirdifálaldaga jagis 2017: s. Dássážii lea ambulánsafitnodat Lufttransport doaimmahan bálvalusa maŋemuš 25 jagi.
Guokte vuosttaš vahkku suoidnemánus šaddet pilohtat čađahit geatnegahtton hárjehallamiid.
Sis lea álo buohccidivššár mielde vai sáhttet viežžat buhcciid jus dasa šaddá dárbu, čállá NTB.
