Finnmárkku politiijain lei olu bargu mannan ija.
Sihke Álttás, Hámmárfeasttas, Čáhcesullos, Donjevuonas ja Girkonjárggas dagahedje gárrenolbmot politiijaide barggu:
ÁLTÁ
Dii. 23:00 Politiijaide cavgiluvvui veahkaválddálašvuođa birra Bossogohpis. Olmmoš lei roasmmehuvvan ja dolvojuvvon doaktára lusa. Politiijat čuovvolit ášši.
Dii. 24:00 Politiijaide cavgiluvvui gárren vuolleahkásaččaid birra Joganjálmmis. Go politiijat ollejit báikái, leat sii báhtaran.
Dii. 01:00 Politiijat gávdnet goalmmalotjahkásaš dievddu gii lea beare gárremiin. Ii nagot váldit vára alddis. Biddjo giddagassii dassái go čielgá.
Dii. 01:10 Politiijaide cavgiluvvo ahte mopedavuoddjit vurjet. Politiijat fitnet báikkis ja geahččalit bissehit sin. Okta dain vujii politiijaolbmá juolggi ala ja ieš gahčai eret vuojánis. Ambulánsa doalvvui su, muhto lea eahpečielggas lea go roasmmehuvvan. Politiijaolmmái ii roasmmehuvvan. Dutkagohtet ášši.
Dii. 05:00 Politiijat bissehedje feastta Áronjárggas.
GIRKONJÁRGA
Dii. 00:10 Viđalotjahkásaš dievdu gevrejuvvo eret gávpotguovddážis go galgá diggon vávttaiguin muhtun olgobáikkis.
Dii. 01:30 Politiijaide cavgiluvvo doarruma birra olggobealde olgobáikki. Eahpečielggas mii lea geavvan. Ášši sáhttá váidot. Golbma olbmo gevrejuvvon eret gávpotguovddážis.
Dii. 02:20 Máŋga olbmo doarrán olggobealde olgobáikki. Ášši čuovvoluvvo.
DONJEVUOTNA
Dii. 00:30 Politiijaide cavgiluvvo goalmmalotjahkásaš dievddu birra gii ii áiggo guođđit muhtun olgobáikki. Son váido go lea ráfehuhttán almmolašvuođa.
HÁMMÁRFEASTA
Dii. 01:43 Politiijaide cavgiluvvo doarruma birra olggobealde muhtun olgobáikki. Politiijat hupmet guđalotjahkásaš dievdduin. Son vulggii ruovttuguvlui, muhto lea eahpečielggas mii lei dáhpáhuvvan.
Dii. 05:20 Politiijaide cavgiluvvo olbmo birra gii skoalkkuha uksii. Čájehuvvo ahte olmmoš lea boasttu čujuhussii viggame. Lea gárremiin ja politiijat dolvot su rievttes čujuhussii.
Dii. 05:29 Politiijat gávdnet goalmmalotjahkásaš dievdu gii almmolaččat lea gožžame. Politiijat váidet dievddu.
ČÁHCESUOLU
Dii. 02:05 Politiijaide cavgiluvvo ahte njeallje olbmo, geat leat ártegit vel gárvodan, leat olgun moiveme ja cissame almmolaš báikkis. Go politiijat ollejit báikái leat dat mannan.
Dii. 03:50 Cavgiluvvo veahá doarruma birra olggobealde muhtun olgobáikki, muhto lea jaskat go politiijat jovdet báikái.
Dii. 05:28 Cavgiluvvo ahte muhtun olmmoš skoalkkuha priváhta čujuhusas uksii. Čájehuvvo ahte olmmoš lea boasttu uksii skoalkkuhan. Deaivvai ruoktot loahpas.
