-Almmuhus-
-Almmuhus-
-Almmuhus-
OĐĐASATGarra sihkarvuođadoaimmat Ubmi diggegottis

Garra sihkarvuođadoaimmat Ubmi diggegottis

-

-

Sihkarvuohta dovdo leamen hui guovddážis go diggeášši Guovdageainnu dievddu vuostá álggii Ubmi diggegottis, jáhkkimis go ovtta vihttana leat nihttán.

Čieža politiija, golbma sihkarvuođabargi, ja ruovdeskánnar man čađa vázzit galgá ovdal go beassá sisa diggevissui, nu lei Ubmi diggegoddi odne go diggi goalmmátlot-jáhkásaš Guovdageainnu dievddu vuostá álggii.

Son lea áššáskuhtton iešmielat goddán 20-jahkásaš Ruoŧa dievddu, dahje molssaeaktun lea áktor bidjan galgat leat eaktodáhtus goddán.

 

Láse seaidni

Áššáskuhtton dievddu buktet eará uksaráigge diggelatnjii go earáid, ja guldaleaddjit čohkkájit assás láseseainni duohken, gos oaidná diggelanja ja jiena gullá skájana bokte.

Guldaleaddjit leat sullii 15, sihke journalisttat ja eará olbmot. Doppe leat maid guokte siviilapolitiija čohkkáme.

 

Nihttán vihttana

Go diggi álggii, de meannudii diggegoddi vuos galget go guldaleaddjit beassat gullat Guovdageainnu dievddu olbmá, goalmmátlot-jáhkásaš Ruoŧa dievddu, go son čilge.

Dikkis bođii oainnat ovdan ahte su leat nihttán ášši oktavuođas, ja leat maid olbmot viggan suinna váldit oktavuođa interneahta bokte dán ášši birra.

Duopmár, Kristina Svedberg, giddii dikki buohkaide, earret mediai, vai eai galgga leat olbmot doppe geat sáhttet su fas dovdat maŋŋel.

 

Duođaštusat

Dikki vuosttaš oassi geavahuvvui buktit čálalaš duođaštusaid, ja movt guhtege ovddasteddjiin oaivvildit ášši leat dáhpáhuvvan.

Nuppi oasis galgá áššáskuhtton dievdu čilget, ja su olmmái maid.

– Doppe beassat gullat makkár dilis mu klieanta lei dien ija, ja manin manai nu go manai, muitala Guovdageainnu dievddu bealušteaddji, Jens Nystrøm.

Ávvir čuovvu olles dikki Ubmis.

-Almmuhus-