Dál dieđihuvvojit garra riđut main lea 30 m/s leahttu Finnmárkku rittus. Romssas ja Lofuohtas vurdet maid garra riđu.
Dál dieđihuvvojit garra riđut main lea 30 m/s leahttu Finnmárkku rittus. Romssas ja Lofuohtas vurdet maid garra riđu.
Meteorologalaš instituhtta lea sádden OBS-várohusa Finnmárkui, ja čállet ahte vurdet riđu 25 m/s muhtin báikkiin, ja biegga sáhttá bosádit 30 m/s.
– Stuora ja viiddis vuollegisdeatta davábealde Islándda lahkona. Dat buktá biekka ja heajos dálkki, muitala Storm Geo meteorologa Frode Håvik Korneliussen TV2:žii.
Ođđa vuollegisdeatta
Mánnodaga dálki ii leat dušše Finnmárkkus. Romssas ja Lofuohtas dieđihuvvo maiddái garra dálki. Disdaga boahtá ges ođđa vuollegisdeatta gátti guvlui.
– Sáhttá šaddat hirbmat garra riđđu Davvi-Norggas. Mis leat dieđut ahte čájeha riđu, muhto sáhttá dálkkáskit gitta Trøndelága rádjái, muitala Korneliussen. (©NTB)
