-Almmuhus-
VALÁŠTALLANGarra čiekčamat vuordimis

Garra čiekčamat vuordimis

-

-

Dál lea čielgan makkár joavkkuiguin Álttá 2. divišuvnna spábbačiekčanjoavku deaivvada boahtte áigodaga.

Norgga spábbačiekčanlihttu leat dál juohkán dan guokte 2. divišuvnna ossodaga.

Fredrikstad, mii njiejai OBOS-ligas, mas dál lea ođđa hárjeheaddji, Per Mathias Høgmo, lea okta joavkkuin mat boahtte áigodaga leat guossit Finnmarkshallenis Álttás.

Dan seamma dahket Håvard Nome ja Raufoss geat bohte nubbin Álttá ossodagas dán jagi, muhto vuoittáhalle kvalifiserenčiekčamis.

– Šaddet garra čiekčamat, olu buorit joavkkut, dadjá Álttá čiekči Vegard Båtnes Braaten Altapostenii go gullá makkár joavkkuiguin sii deaivvadit.

 

Alta IF ossodat boahtte jagi:
PostNord-liga 1. ossodat: Áltá, Mjølner, Raufoss, Asker, Bærum, Grorud, Nybergsund, Stabæk 2, Moss, Odd 2, Fram, Fredrikstad, Hønefoss, Elverum.

-Almmuhus-