Sihke Nordlys gánddat ja Guovdageainnu lunttat besset mihtidit fámuid tabeallaránnjáin dán vahkkoloahpa.
Sihke Nordlys gánddat ja Guovdageainnu lunttat besset mihtidit fámuid tabeallaránnjáin dán vahkkoloahpa.
Njealját divišuvnna njunušjoavku, Norild, boahtá Niitoguolbanii, deaivvadit Nordlys:in.
Norild lea njunnošis njealját divišuvnnas, 18 čuoggáin ja Nordlys fas goalmmádin, 13 čuoggáin.
Diibmá vuittii Nordlys 2-0 Norilda vuostá Niitoguolbanis.
Vuolemus joavkkut
Guovdageainnus fas deaivvadit divišuvnna, dán rádjái, heajumus joavkkut. Lávželuokta/Indrefjord boahtá guossái Báktevárrái ja sii eai leat vel dábuhan čuoggáid dán jagi.
Guovdageaidnu lea nubbin vuolimusas tabeallas ja sis leat 3 čuoggá. Diimmá boađus dán guokte joavkku gaskkas Bákteváris, šattai 1-1.
Goappašat čiekčamat leat lávvordaga diibmu 14.00.
