-Almmuhus-
OĐĐASAT– «Gárppat» ávžžuhit dábálaš bargiid govttolažžan leat bálkágáibádusain

– «Gárppat» ávžžuhit dábálaš bargiid govttolažžan leat bálkágáibádusain

-

-

Ođđajagemánu 30. beaivi lea gohčoduvvon «gárppaidbeaivi». Dat mearkkaša ahte dan beaivvi de leat njunušfitnodagaid jođiheaddjit dinen liikká olu go dábálaš bargit Norggas dinejit gaskamearálaččat jahkái.

Beaivvi vuollel mánus de dinejit jođiheaddjit Norggas liikká olu go dábálaš bargi jahkái.

Njunnošiin lea dál gaskamearálaččat 6,7 miljovnna jahkebálká, ja dat beare lassána, dan čállá frifagbevegelsen.no.

 

Bálkkát lassánit

– Gárppaid bálkkát beare lassánit, muhto dábálaš bargiid gal ávžžuhit govttolažžan leat go bálkká šiehtadit, lohká Sosialisttalaš Gurutbellodaga jođiheaddji, Kirsti Bergstø, frifagbevegelsen.no siidui.

Okta gii Norggas dine bures jođiheaddjin lea Statoil-hoavda, Eldar Sætre. Son dine 11 397 035 ruvnno jahkái, dahje 31 224 beaivái, vel sotnabeaivvi ge. 1301 ruvnno diibmui birra jándora, leaš dal oađđime dahje gohcime.

Eanemus dine Marine Harvest Norway hoavda, Alf Helge Aarskog. Son dine 18 744 768 ruvnno jahkái.

Nissonolmmoš gii dine buoremusat lea Bonheur hoavda, Anette S. Olsen. Son dine 16 200 000 ruvnno jahkái.

-Almmuhus-