Biilavuoddji duššai lihkohisvuođas go busse ja biila beaškkiheigga oktii Nelosties Soađegilis, Suomas.
Biilavuoddji duššai lihkohisvuođas go busse ja biila beaškkiheigga oktii Nelosties Soađegilis, Suomas.
Gádjunbálvalusa dieđuid vuođul lei okta gii jámii biilalihkohisvuođas.
Personbiillas lei vel nubbi olmmoš gii roasmmohuvai garrasit ja dolvojuvvui Roavvenjárgga buohccivissui, dieđiha kaleva.fin neahtasiidu.
Lihkohisvuohta dáhpáhuvai sullii diibmu 17:30, lávvardaga, Nelosties Petkulas, sullii 40 kilomehtera davábealde Soađegili.
25:s busses
Ledje 25 olbmo busses, mii dolvojuvvui Soađegili dearvvašvuođaguovddáža dárkkistussii.
20:s dain ledje skuvlamánát ja NRK Sámi dieđuid mielde ledje dát Ohcejoga ja Gáregasnjárgga gullevaš mánát.
Buollinčáskadeaddji Mika Neitola, Lapland Rescue Departmentas, muitala busses besse buohkat heakkas.
Eai dieđe siva
Busse lei vuodjimin davásguvlui ja biila leai jođus nuppe guvlui, Neitola dieđuid vuođul lei njuolggogeaidnu dakko.
Sivva manin lihkohisvuohta dáhpáhuvai ii leat vel čielggas. Lei gálja geaidnu.
