Deanus buollái garáša, muhto buollinčaskadeaddjit nagodedje jođánit bissehit buollima.
Deanus buollái garáša, muhto buollinčaskadeaddjit nagodedje jođánit bissehit buollima.
Otne gaskavahku gaskabeaivvi áiggi ožžo Nuorta-Finnmárkku politiijaguovlu dieđu garášabuollima birra Bokcás Deanus. Buot heahteveahkeetáhtat manne báikái. Politiijat dieđihedje ahte garáša siste vurkoduvvo gássabohttalat ja danne giddeje olles báikki, ja evakuerejedje olbmuid lagamus dáluin. Guovllus lea dálut bieđggus huksejuvvon, dieđihedje sii twitter bokte.
Birrasiid diimmu maŋŋelaš ledje buollinčaskadeaddjit bissehan buollima.
– Mii leat ain báikkis čáhcebiillain ja olbmuiguin bearráigeahččame báikkis, muitala 110-guovddáža váktajođiheaddji Fred-Ole Holmen diibmu 16.15 ifinnmarkku aviisii.
Viidásit dadjá son seamma aviisii lea eahpesihkar bulle go gássabohtalat, muhto jus dáhke dan de eai buktán dat stuorit váttisvuođaid.
