-Almmuhus-
-Almmuhus-
OĐĐASAT Garáša bulii

Garáša bulii

-

-

Ikte eahkes buollái garáša Iškorasjogas, Kárášjogas.

Nuorta-Finnmárkku politiijat dieđihedje twittera bokte badjelaš čiežas ikte eahkes ahte muhtin garáša Iškorasjogas, Kárášjogas lei buollán. Heahteveahkit manne báikái, ja politiijat balle stobu maid sáhttit buollát.

 

Vaikke báikkis ii doaimma mobiltelefuvdnafierpmádat de politiijat dattege dieđihedje dáhpáhusas twitter bokte dađistaga.

 

Ovtta gaskka balle báikkis leat bávkkehanvára buollima geažil, go lahka ledje gássabohtalat. Dán dili dattege sihkkaraste jođánit ja ásahedje 300 mehter sturrosaš sihkkarvuođaguovllu go čoaskudišgohte gássabohtaliid.

 

NRK Sápmái lohket politiijat ahte eai dieđe manne garáša lea buollán, ja dutket ášši dábálaš láhkai.

- Advertisement -
-Almmuhus-