-Almmuhus-
-Almmuhus-
OĐĐASATGállogieddái huksejuvvo duhkoraddanbáiki

Gállogieddái huksejuvvo duhkoraddanbáiki

-

-

Dán jagáš Márkomeannu festiválas álggahuvvo huksen ja ovdanbukto prošeakta.

Márkomeannu ovttas Várdobáikki sámi guovddážin leat ožžon birasmiljovnna-doarjaga KORO (kunst i offentlig rom) ja Nordlándda fylkkasuohkanis. Birasmiljovnnain áigot hukset bissovaš duhkoraddanbáikki Gállogieddái. Dáiddárat guhte leat mielde dán prošeavttas leaba Joar Nango ja Ánndaris Rimpi. Soai searvaba dán jagáš festiválii prošeavtta rahpamii ja ovdanbuktimii.

– Duhkoraddanbáiki galgá leat gárvvis 2022 geassái ja mun lean ilus go mis lea dál dáiddalaš diŋgojuvvon buvtta mánáide. Dehálaš váldi prošeavttas lea geavahit elemeanttaid báikkálaš sámi giellasuopmanis ja huksenvierus, dadjá Márkomeannu festiválajođiheaddji, Aili Guttorm, preassadieđáhusas.

Dán prošektii geavaheaba dáiddár guovttos jagi sihke roggat márkosámi historjjá guovllus ja dán vuođul ráhkadit bissovaš olgohuksema mii addá vásáhusa mánáide ja besset duhkoraddat.

Prošeakta ovdanbukto bearjadaga suoidnemánu 30. beaivvi ja festiválii leat ain bileahtat.

-Almmuhus-