Justiisaministtar galleda odne Nuorta-Finnmárkku, fáddán leat báhtareaddjit.
Justiisaministtar galleda odne Nuorta-Finnmárkku, fáddán leat báhtareaddjit.
Justiisa- ja gearggusvuođaministtar Anders Anundsen galleda odne Nuorta-Finnmárkku, fáddán leat báhtareaddjit.
Maŋimuš áiggiid leat syrialaš báhtareaddjit boahtigoahtán Norgii Ruošša bokte. Ikte bohte 90 báhtareaddji Storskog tuollostašuvnna bokte, ovddit beaivvi ges 85, dieđihit Nuorta-Finnmárkku politiijaguovllus.
Anundsen galleda ge odne dán tuollustašuvnna ja báhtareaddjileairraid.
Dás oainnát makkár prográmma ministtaris lea odne:
Dii. 1130: Galleda Vestleirena
Dii. 1230: Mátkkošta Girkonjárgii
Dii. 1300: Girkonjárgga politiviesus oažžu dieđuid dili birra
Dii. 1430: Ságastallá áššemeannudeddjiiguin
Dii. 1510: Beassá oaidnit Storskog tuollostašuvnna ja ságastit áššemeannudeddjiiguin
Dii. 1700: Deaivvada gieldda ovddasteddjiiguin Fjellhallenis
Dii. 1800: Čoahkkáigeasu ja loahpaheapmi politiijaviesus.
