Sámediggepresideanta Vibeke Larsen galleda skuvllaid mat vuite čurvestatgilvvu givssideami eastadeami vuostá.
Presideanta fitná Raarvihken skuvles 20.4 ja Kárášjoga skuvllas 24.4.
Sámi oahppit čihččet luohkás Raavrhvijhke skuvllas, ja dasto oktasaš evttohus Kárášjoga skuvlla 9a ja 9á ohppiin válljejuvvojedje vuoitin čurvestatgilvvus.
«Searválaga givssideami eastadeamis»
Sámediggi lea mielde nationála barggus «Searválaga givssideami eastadeamis» mii bistá jahkái 2020.
Sierra aktevrrat ja searvvit leat ovttas Oahpahusdirektoráhtain ja ráđđehusain stáhtaministara Erna Solberg ja máhttoministara Torbjørn Røe Isaksen bokte, vuolláičállán šiehtadusa mas geatnegahttojuvvojit bargat ovttas addin dihtii mánáide ja nuoraide buori oahppanbirrasa ja bajásšaddanbirrasa.
Sámedikki čurvestatgilvu givssideami eastadeamis lea oassi dán barggus.
