Geaidnodoaimmahat dieđiha ahte lea váttes johtolat gálja geainnuid geažil.
Oarje-Finnmárkkus leat eanaš guovlluin gálja geainnut. Geaidnodoaimmahat leat gilvimin sádduid geainnuid ala. Finnmárkku politiijat dieđihit lihkohisvuođaid gálja geainnuid geažil.
Guokte guorbmebiilla ledje doarrás mannan eahkeda Silisávžžis Álttás ja odne iđida leat ovtta busses Álttás leamaš váttisvuođat.
Politiijat leat leamaš báikkis veahkeheamen hoidet johtolaga meaddil busse ovdal go ožžo busse eret báikkis, dieđihit Finnmárkku politiijat Twitteris.
