-Almmuhus-
OĐĐASATGalget árvvoštallat SAÁO

Galget árvvoštallat SAÁO

-

-

Earret eará galget kártet movt fálaldat rievddada skuvllaid ja suohkaniid gaskas Norggas.

Máhttodirektoráhtta lea bivdán NTNU servodatdutkiid iskat skuvlaastoáigeortnega (SAÁO) olles riikkas.

Prošeakta bistá 2019 rádjai. Dan dieđiha NTNU servodatdutkan preassadieđáhusas.

 

– Báiki gos mánát leat ovdal ja maŋŋil skuvlaáiggi

– Eai gávdno olu njuolggadusat mii SAÁO galgá leahkit, earret go báiki gos mánát leat ovdal ja maŋŋil skuvlla, lohká seniordutki ja prošeaktabargi Joakim Caspersen.

Seammás lea olu báikkiin deattuhuvvon ahte SAÁO:s galget iešguđet fálaldagat, nu go leaksoveahkki ja astoáigedoaimmat.

– Lea deaŧalaš kártet makkár erohusat leat fálaldagain, skuvllaid ja suohkaniid gaskas. Mii háliidit diehtit makkár fálaldagat leat ohppiide geain leat erenoamáš dárbbut, ja movt SAÁO doaibmá integrerenperspektiivvas, deattuha prošeaktajođiheaddji ja dutkanjođiheaddji Christian Wendelborg.

-Almmuhus-