-Almmuhus-
-Almmuhus-
-Almmuhus-
OĐĐASATGalge báhčit rávis guovžža, báhče čivgga 

Galge báhčit rávis guovžža, báhče čivgga 

-

-

Guovžžačivga  báhččui geassemánu 1. beaivvi Ruovdavuonas  Mátta-Várjjagis Finnmárkkus.

Birasgáhttendirektoráhta lei  addán Mátta-Várjjaga nuorttabeallái (Málesnjárga, Siidejohka ja Vinna) sierralobi báhčit guovžža eastadan dihtii vahágiid. Orohat ozai miessemánu 31. beaivvi lobi báhčit guokte guovžža, muhto ožžo sierralobi dušše ovtta guovžža báhčit. Sierralohpi lei fámus geassemánu 1. beaivvi rájes geassemánu 3. beaivvi rádjái.

Lei Stáda Luonddubearráigeahčču mii čađahii barggu ja geassemánu 1. beaivve báhččui guovžžačivga Ruovdavuonas Mátta-Várjjagis Finnmárkkus. 

Stáda Luonddubearráigeahčču  muitala ahte guovžžačivga lei bohccuid guottetbáikkis ja lei okto go bivdit oidne dan. Stáda Luonddubearráigeahču bivdit geavahedje helikoptera barggu oktavuođas ja navde guovža lei stuorát go lei. Ulbmil ii leat leamašan báhčit guovžžačivgga, muhto rávis guovžža, nu čállá Nrk Troms/Finnmark.

Hilgo ođđa ohcama

Mátta-Várjjaga nuorttabeallái (Málesnjárga, Siidejohka ja Vinna) leat fas ohcan sierralobi báhččit guokte guovžža, muhto Birasgáhttendirektoráhta lea hilgon ohcama. Sivvan dasa čállet ahte lea stuorra váruhus ahte boastu guovža báhččo ja dál lea áigodat goas guovžavahát nohkagoahtá. 

-Almmuhus-