Romssa fylkkamánni lea váidán bivdojoavkku go leat báhčán guokte albasa, vaikko eai lean ožžon lobi eará ovtta báhčit.
Lei loahpas guovvamánu dán jagi go Meavkki orohaga bivdojoavkku bážii guokte albasa. Bivdojoavku lei ožžon lobi báhčit ovtta, muhto dáhpedorpmis galgá bivdojoavku báhčán guokte. Dan čállá Nordlys aviisa.
Boazodoalli Johan Anders Oskal Meavkki orohagas lei ohcan lobi báhčit ovtta albasa maŋŋel go gávdne njeallje bohcco goddon. Oskal čilgii mannan vahkku Nordlys aviisii ahte sii báhče dušše ovtta albasa, muhto luođđa manai albasa čađa ja nu deaivvahalai nubbi albbas maid. Vahágiid geažil maid luođđa dagahii šadde nuppi albasa maid goddit, čilgii Oskal Nordlys aviisii. Bivdojoavku dieđihii dáhpáhusa birra politiijaide. http://www.nordlys.no/Fikk_tillatelse_til___felle_ei_gaupe___skj_t_to-5-…
Dutkagoahtán
Politiijat leat dál dutkagoahtán ášši.
– Mii leat boahtán johtui dutkamiin, muhto leat ain bealit maid eat leat vel dutkán. Mii jáhkkit geargat dutkamiin ovdal beassážiid, lohká Málatvuomi leansmánnekantuvrra politiijabálva, Katrine Grimnes Nordlys aviisii.
