Agnete Saba (26) lea njeallje jagi leamaš jávkosis TV-šearpmas, ja dál lea son molson goarggu ja áigu searvat ođđa prográmmii.
– Lean geavahan moadde jagi oahpásmuvvat alccesan ja gávnnahit gii mun lean ja maid mun háliidan, muitala Agnete Saba VG:i.
Agnete searvá boahtte «Hver gang vi møtes» prográmmii Norgga TV2 kanálas ovttas Maria Menain, Stian «Staysman» Thorbjørnseniin, Hanne Kroghain, Postgirobygga Arne Hurleniin, Trygve Skauganiin ja Hkeemiin. Dan Tv-ráiddus leat ge čohkken juohke prográmmii máŋga artistta geat lávlot daid eará artisttaid lávlagiid iežaset vuogi mielde.
Agnete muitala VG:i ahte ii lean vuordán vejolašvuođa boahtit oidnosii fas.
Son lea maiddái molson goarggu, Johnsenis Sabai. Dan lohká dahkan go lea bajásšaddan Reahpenis Unjárggas, gos su áhkku maid bajásšattai. Áhku goargu lei Saba ja Agnete mielas orui de riekta lonuhit iežas goarggu danin.
