-Almmuhus-
-Almmuhus-
-Almmuhus-
OĐĐASATGalgá leat dieđihan boasttu boazologu ja ožžon 145 000 ruvnno

Galgá leat dieđihan boasttu boazologu ja ožžon 145 000 ruvnno

-

-

Dál gártá diggái ja soaitá vel buhtadusa šaddat máksit.

Muhtin badjelaš 40-jahkásaš boazodoalli, gii lea Guovdageainnus eret, lea áššáskuhtton go galgá leat dieđihan boasttu boazologu Oarje-Finnmárkku boazodoalloagronomii mainna son de oaččui máksot 145 000 ruvnno doarjaga, čállá iFinnmark mii ovddemuš almmuhii ášši.

 

Dieđihan 200 heakka unnit 

2009/2010 áigodagas dieđihii son ahte sus ja su eamidis ledje 599 bohcco, vaikko duohtavuođas galget leamašan 809 bohcco.

Son galgá leat diktán Boazodoallohálddahusa jáhkkit ahte sudnos ledje vuollel 600 bohcco, ja dan vuođul oaččui máksot 145 000 ruvnno lassin boazologu dihte.

Sis-Finnmárkku diggegoddi gieđahallá ášši skábmamánu 2. beaivvi.

 

Áššáskuhttieiseválddit gáibidit albmá máksit  kr 64.221,- buhtadusa jus dubmehallá.

 

-Almmuhus-