Čakčamánu rájes leat Girkonjárgga ođđa buohcceviesus gergosat váldit vuostá pasieanttaid.
Čakčamánu rájes leat Girkonjárgga ođđa buohcceviesus gergosat váldit vuostá pasieanttaid.
Eai leat hástalusat, muhto divodit boasttuvuođaid ja váilevašvuođaid váldá guhkit áiggi go álggos ledje doivon. Dat mearkkaša maid ahte geahččalanáigodat sirdašuvvo.
Dasa lassin galgá luopmu vel gávcci vahku, nu ahte dan ođđa buohcciviesus eai leat gearggus ovdal čakčamánus.
Liige resurssat
Prošeaktajođiheaddjit leat ođđajagemánu rájes bidjan liige návccaid bargui divvut boasttuvuođaid ja váilevašvuođaid.
Erenoamážit leamaš lean stuorát bargu divvut boasttuvuođaid ja váilevašvuođaid teknihkalaš rusttega stivrensystemas (SD-rusttet), go maid ledje álggos doivon.
– Sisafárren ii sáhte geavvat luopmoáiggi, danne ferte dat maŋiduvvot. Maŋŋoneapmi prošeavttas lea leamaš gáibideaddji Girkonjárgga buohcceviesu bargiide, muhto dál illudit váldit dan ođđa buohcceviesu atnui, dadjá prošeaktavásttolaš Lill-Gunn Kivijärvi preassadieđáhusas.
Ii váikkut pasieanttaid
Maŋŋoneamis ii leat váikkuhus pasieanttaide.
Sidjiide addo dikšu dan boares buohcciviesus.
