Finnmárkku dievdu lea áššáskuhtton go galgá leat doaruhan nissonolbmo ovtta priváhta viesus Romssas.
Dievdu gálga diibmá doaruhan nissonolbmo Romssas. Nissonolmmoš fertii goaruhit go šattai hávvi oaivái, maŋŋel go dievdu galgá leat časkkán, čiekčan ja dearpalan nissonolbmo oaivvi seainni njeaiga. Dievdu galgá maid leat hoigadan nissonolbmo tráhppa vulos.
Dievdu galgá maid leat čallán teakstadieđu mas čuožžu ahte dievddus lea filbma mii čájeha go nissonolmmoš rihkku lága, ja ahte jus dievdu čájeha dan politiijaide de sáhttá dat buktit nissonolbmui váttisvuođaid. Dievdu galgá maid geahččalan váikkuhit dan seamma teakstadieđu bokte oaččut nissonolbmo geassit guoddalusa, ja čálii maid ahte jus dievdu dubmejuvvo de son ferte heaitit bohccuiguin bargamen.
Dievdu galgá maid áitán seamma nissonolbmo čugget gáffalin, čuohppat suorpmaid eret ja goddit su.
Dievdu galgá Davvi-Romssa diggegoddái njukčamánu 30. beaivvi, ja diggi bistá guokte beaivve.
