-Almmuhus-
-Almmuhus-
-Almmuhus-
OĐĐASATGáldu digaštallá boahtteáiggi strategiijaid

Gáldu digaštallá boahtteáiggi strategiijaid

-

-

Dáid beivviid čoahkkanit máilmmi álgoálbmogat, politihkkárat ja áššedovdit Københámmanii digaštallankonferánsii. Maiddái Gáldu direktevra lea bovdejuvvon searvat digaštallamiidda.

Dáid beivviid čoahkkanit máilmmi álgoálbmogat, politihkkárat ja áššedovdit Københámmanii digaštallankonferánsii. Maiddái Gáldu direktevra lea bovdejuvvon searvat digaštallamiidda ja galgá maiddái doallat logaldallama.

 

Álgoálbmogiid Ovdánahttinforum ja álgoálbmotáššiid berošteaddjit IWGIA nammasaš ásahusas lágidit konferánssa. Dát lágiduvvo guokte vahku maŋŋel go Sustainable Development Goals leat dohkkehuvvon ON:as. Københámmanis galget digaštallat mot lea dilli dál ja mot boahtteáiggi strategiijat galggaše leat dán dáfus.

 

– Deike lea IWGIA ja Álgoálbmogiid Ovdánahttinforum čohkken álgoálbmotáššedovdiid gos ulbmil lea ráhkkanit ONa ođđa ovdánahttinulbmiliid čuovvoleapmái. Obbasa fertet dáidet gállit dán áššis nai. 17 ođđa ulbmila, 169 doaibmačuoggá, muitala dáhpáhusa birra Gáldu direktevra.

 

Konferánssas lea viiddis prográmma

Digaštallankonferánsa čohkke oasseváldiid viidát. Ovttastuvvon Našuvnnain lea viiddis vuogádat álgoálbmotáššiid dáfus, ja doppe bohtet ge ovddasteaddjit máŋga iešguđetge osiin. EU, dánska eiseválddit, akademihkalaš fágabargit, organisašuvnnat ja eaktodáhtolaš organisašuvnnat maiddái servet. Dasa lassin dieđusge servet álgoálbmogat miehtá máilmmi.

 

Laila Susanne Vars galgá logaldallat fáttás mot sápmelaččat sáhtáše dáid dohkkehuvvon mihtuid atnit ávkin go deaivvadit eiseválddiiguin.

 

-Almmuhus-