Álggos leat golbma gažaldaga, jus daid máhtát, de manat viidáseappot gilvvus.
Álggos leat golbma gažaldaga, jus daid máhtát, de manat viidáseappot gilvvus.
Namma: Ann Helen Guttorm Johansen
Ahki: 25
Guovlu: Áltá
Bargu: Studeanta
1. Sullii man galle cm šaddá bohcco čoarvi jándoris?
–Mun vástidan 0,5 cm. BOASTUT!
Rievttes vástádus: 2 cm.
2. Mii lea Vulle Vuojaža dahje dárogilli Donald Duck biilašiltanummár?
–Vulle Vuojaža goit juoba lean ge lohkan. Mun vástidan 313. RIEKTA!
3. Joatkke dán lávllateavstta. Lávlaga láve Ann-Jorid Henriksen lávlut: “Mielleravddas oidne su, duon bártnáža….”
–Dien gal in dieđe. BOASTUT!
Vástádus: ..dalle giđđaliehmu lei ja beaivvádat…
Go Ann Helen ii vástidan riekta buot golbma gažaldaga, de ii beasa eará árvalusa vel vástidit. Árvalusain sáhttá fasket 5, 10 dahje 15 čuoggá. Dat lea dan duohken guđe ivnni vállje. Rukses ivdni lea váddáseamos. Jus dan vástida riekta, de faske 15 čuoggá, alit ivnnis faske 10 čuoggá ja ruonás ges 5 čuoggá.
Ann Helen vállje rukses ivnni ja mii jearrat sus dán árvalusa:
Mii lea biiggá namma Astrid Lindgren muitalusain Emil i Lønneberget birra?
–Emila gal lean maid geahččan, na Lina. RIEKTA!
–Gal dat ledje juo váttis gažaldagat, muhto somá gal aŋkke lei searvat.
Galle čuoggá oktiibuot: 16 čuoggá
Juohke gilvaleaddji beassá hástalit ođđa gilvaleaddji Ávvira geassegilvui, ja Ann Helen háliida hástalit iežas oappá Ida Karine searvat Ávvira geassegilvui.
Ánne Márjá Guttorm Graven lea ain njunnošis Ávvira geassegilvvus 21 čuoggáin.
