-Almmuhus-
OĐĐASAT «Gáktepolitiija» oažžu 150 000 ruvnno Sámedikkis

«Gáktepolitiija» oažžu 150 000 ruvnno Sámedikkis

-

-

Sámediggeráđđi Henrik Olsen lohká «Gáktepolitiija» sáhttit eastadit rasismma.

 «Gáktepolitiija» lea boađi boađi oanehisfilbma maid Rein Film AS áigu ráhkadit.

Filmma guovddášsáhka lea minoritehtajienat stuorragávpogis gos lea sápmelaččat geat leat rámis identitehtaset dihte ja majoritehtaálbmot mii leaikkastallama geavaha gaskaoapmin go sápmelaččaiguin lea dahkamuš. Sámediggeráđđi addá 150.000 ruvnnu filbmii «Gáktepolitiija», dieđiha Sámediggi preassadieđáhusas.

– Sámediggeráđđi áigu dán doarjut danne go Rein Film AS áigu čuvget sápmelaččaid birra, ja dat sáhttá dihtomielalašvuođa lasihit ja rasismma eastadit, dadjá Sámediggeráđi Henrik Olsen (NSR) preassadieđáhusas.

Addá doarjaga ođđa neahttasiidui ja visuálalaš profiilii

Sámediggeráđđi addá 200.000 ruvnnu Internationála Sámi Filbmainstituhttii ođđa neahttasiiddu ja ođđa profiilla ráhkadeapmái.

Sámi filbma lea riikkaidgaskasaččat hui bures lihkostuvvan maŋimuš jagiid ja ISFI:s lea leamaš hui deaŧalaš sadji dán ovdáneamis sihke sámi filmmaid ruhtademiin lassin ollu eará doaimmaide ja prošeavttaide mat ovdánahttet ja oainnusmahttet sámi filmma.

Ulbmil prošeavttain lea ovdánahttit buoret visuálalaš profiilla ja ruovttusiiddu mas gulahallansurggiid leat álki áddet ja sáhttá gulahallat sihke sosiála mediaiguin ja digitála filbmabálvalusain sapmifilm.com gos sámi filmmaid sáhttá rávdnjet.

– Sámi filmmaide lea maŋimuš jagiid hui ollu lassánan beroštupmi, ja ISFI hálddaša eanet ahte eanet ohcamiid. Ođđa neahttasiiddu ráhkadeapmi mas leat čovdosat mat geavaheddjiide lea álki geavahit ja mat hálddašit persovdnadieđuid maid galgá suodjalit, lea deaŧalaš bealli ásahusa fágalaš ovdáneamis, dadjá Henrik Olsen.

- Advertisement -
-Almmuhus-