-Almmuhus-
OĐĐASAT Gáivuotna: Bargiidbellodat stuorámus

Gáivuotna: Bargiidbellodat stuorámus

-

-

Dál leat jienat lohkkon ja čájehuvvo ahte Gáivuonas lea Bargiidbellodat ožžon eanemus jienaid.

Gárvves bohtosat Gáivuonas čájehit ahte Bargiidbellodat lea stuora vuoiti. 

Bargiidbellodat lea ožžon 43,7 proseantta jienain Gáivuonas ja lasiha iežaset áirasiid golmmain. 

Dál bellodagas leat gávcci áirasa suohkanstivrras. 

Bargiidbellodagas sátnejođiheaddjeevttohas Bernt Eirik Isaksen Lyngstad šaddá jáhkkimis Gáivuona ođđa sátnejođiheaddjin, ja son lea ovdal maid čohkkán gielddastivrras. 

 

Guovddášbellodat, mii lea stivren mannan áigodaga, bisuha iežaset njeallje áirasa gielddastivrras. 

Ovddadusbellodat maid lassána Gáivuonas ja bisuha iežas áirasa. 

Olgešbellodat njedjá eanemusat Gáivuoinas, – 4,9 proseantta ja massá ovtta áirasa. 

Disdaga lohkkojit vel dat ovdagihtiijienat mat eai lean mánnodaga joavdan.

 

Bohtosat Gáivuona suohkanválggas

Bargiidbellodat: 43,7%, 8 áirasa (+3)

Guovddášbellodat:  25,4%, 4 áirasa (0)

Ristalaš álbmotbellodat 12,4%, 2 áirasa (0)

Ovddadusbellodat 7,8% , 1 áirras (0)

Birasbellodat 5,8%, 1 áirras (0) 

Olgešbellodat 4,9 %, 1 áirras (-1)

 

- Advertisement -
-Almmuhus-