Luonddugáhttenlihtu jahkečoahkkin gáibida ráđđehusa mearridit čielga njuolggadusaid našunála luossavuonaide ja -jogaide.
Luonddugáhttenlihtu jahkečoahkkin gáibida ráđđehusa mearridit čielga njuolggadusaid našunála luossavuonaide ja -jogaide.
– Go ruvkefitnodat sáhttá gurret šlámbariid našunála luossavuonaide, de ii leat álki ipmirdit movt de leat ožžon «earenoamáš gáhttejumi», nu go lei lohpiduvvon. Ráđđehus ferte dál čilget mii «earenoamáš gáhtten» lea, lohká Annie Henriksen Vest-Oarje Luonddugáhttenlihtus.
Čielga diehtu ráđđehussii
Luonddugáhttenlihtu jahkečoahkkin, mii lei Sarpsborgas mannan vahkkoloahpa, lea mearridan addit garra dieđu ráđđehussii: našunála luossavuonat ja -jogat dárbbašit čielga gáhttema ráđđehusa bealis. Norggas lea okta goalmmádasoasis máilmmi luossanális mat gullet Davvi-Atlanterábi luossanállái, ja lea ovddasvástádus náli ovddas Davvi-Atlanterábi luossakonvenšuvnna bokte. Luossa lea áitojuvvon juo mearddaid, billistemiid ja nuoskkidemiid bokte.
Dehálaš oassi gáhttenbarggus
– Našunála luossačázadagat ja luossavuonat leat sihkkarastin dihte dan negatiivvalaš váikkuhusa vuostá, ja lea dehálaš oassi gáhttenbarggus vai luossa ceavzá, dadjá Henriksen.
